Welcome to Georgia! ტურიზმის ეროვნული დაჯილდოება არის უნიკალური პლატფორმა, რომელიც 2015 წლიდან აღნიშნავს და ახალისებს ხარისხისა და ინოვაციების წარმატებულ დანერგვას საქართველოს ტურიზმისა და მასპინძლობის ინდუსტრიაში. ბოლო ათწლეულის მანძილზე დაჯილდოვდა უამრავი კომპანია, ორგანიზაცია თუ კერძო პირი, რომლებმაც მნიშვნელოვანი წვლილი შეიტანეს საქართველოს ტურიზმის დარგის განვითარებასა და წარმატებაში.

• დაარსდა 2015 წელს, როგორც საქართველოს პირველი პროფესიული ტურიზმის ეროვნული დაჯილდოების პლატფორმა;
• ბოლო ათწლეულში გამოვლინდა 1000-ზე მეტი ნომინანტი სხვადასხვა კატეგორიაში;
• ტურიზმის სხვადასხვა სექტორებში დაჯილდოვდა 300-ზე მეტი გამარჯვებული;
• პროექტის მხარდამჭერია 150-ზე მეტი საერთაშორისო თუ ადგილობრივი პარტნიორი;

ნომინაციებზე რეგისტრაცია: განაცხადები მიიღება კომპანიებიდან, ორგანიზაციებიდან და ფიზიკური პირებიდან. განმცხადებლები ირჩევენ შესაბამის კატეგორიებს მათი საქმიანობის პროფილისა და მიღწევების მიხედვით. ნომინაციების შერჩევა და რეგისტრაცია ხდება ჩვენი ვებგვერდის www.wtgawards.com მეშვეობით.

რეგისტრაციის დადასტურება: ნომინანტებს WTG გუნდი რეგისტრაციის დასადასტურებლად უკავშირდება ელ-ფოსტით. ნომინანტებს ეძლევათ შესაძლებლობა, WTG გუნდს მიაწოდონ ინფორმაცია და წარადგინონ მასალები, რომლებიც ადასტურებენ და აძლიერებენ მათ კონკრეტულ ნომინაციებზე შესაბამისობას.

შეფასებისა პროცესი: შეფასების პროცესი შედგება რამდენიმე ეტაპისგან და საბოლოო შედეგები ეფუძნება თითოეული მათგანის  დათვლის დაჯამებას.

დაჯილდოება: ფინალისტები და გამარჯვებულები გამოცხადდებიან დაჯილდოების ღონისძიებაზე.

ნომინანტთა განაცხადები ფასდება გამჭირვალე პროცესით, რომელიც აერთიანებს საჯარო ჩართულობასა და დარგობრივ ექსპერტთა შეფასებას. შეფასება ეფუძნება შემდეგ ძირითად კრიტერიუმებს:

• WTG ონლაინ რეგისტრაციის ფორმის წარმატებული შევსება და განაცხადის მოთხოვნების დაკმაყოფილება;
• მომსახურების ხარისხი;
• პროდუქტის მრავალფეროვნება;
• მომხმარებელთა კმაყოფილება;
• ინოვაცია და კრეატიულობა;
• მდგრადი პასუხისმგებლობა;
• ბრენდის იდენტობა და მარკეტინგული კომუნიკაცია;
• ონლაინ საქმიანობა;
• ციფრული სერვისები;
• ეთიკური და პასუხისმგებლიანი პარტნიორობა მომწოდებლებთან და პარტნიორებთან;
• წვლილი საქართველოს ტურიზმის ინდუსტრიის განვითარებაში;

WTG ტურიზმის ეროვნული დაჯილდოების პროცესი წარიმართება გამჭვირვალე, სანდო და სამართლიანი მრავალფაზიანი შეფასების ეტაპებით და ემსახურება  ჭეშმარიტი წარმატების აღიარებას ტურიზმის ინდუსტრიაში. შეფასების სისტემასა და პროცესს წარმართავს საერთაშორისო კომპანია, Grant Thornton, მსოფლიოში ერთ-ერთი წამყვანი აუდიტორული და საკონსულტაციო ორგანიზაცია.

1. პირველადი შეფასება:ყველა წარდგენილი განაცხადი მოწმდება საორგანიზაციო კომიტეტის მიერ შესაბამისობასა და სისწორეზე.
2. დარგობრივი ექსპერტთა ჟიურის შეფასება:დარგის დამოუკიდებელი ექსპერტთა გუნდი აფასებს თითოეულ განაცხადს განსაზღვრული კრიტერიუმების საფუძველზე. თითოეული ჟიურის წევრი ინდივიდუალურად და კონფიდენციალურად აფასებს ნომინანტებს, რაც უზრუნველყოფს მიუკერძოებლობას.
3. ბიზნეს ინდუსტრიის შეფასება:შესაბამისობის, გამჭვირვალობის და დარგის აღიარების უზრუნველსაყოფად, WTG აქტიურად მოიცავს დარგის წამყვან ბიზნეს წარმომადგენლებს შეფასების პროცესში.
4. საჯარო არჩევანი:ნომინანტები განთავსდებიან ონლაინ პლატფორმებზე და ჩატარდება საჯარო კენჭისყრა. საზოგადოების მხრიდან ხმის მიცემა ხელს უწყობს საერთო ქულის ზრდას, ზრდის ნომინანტების ცნობადობასა და ჩართულობას.
5. ქულების დაჯამება:დაჯამებული ქულები აერთიანებს ყველა შეფასების ეტაპის შედეგს. ეს უზრუნველყოფს ექსპერტებისგან შემდგარი ჟიურის, დარგობრივი ასოციაციებისა და მომხმარებელთა შეფასებებს შორის ბალანსს.
6. დასკვნითი ეტაპი:გამარჯვებულების დადასტურება ხდება WTG მრჩეველთა საბჭოს მიერ. ფინალისტები და გამარჯვებულები გამოცხადდებიან დაჯილდოების ღონისძიებაზე.

მთლიანი შეფასების პროცესი წარიმართება მკაცრი კონფიდენციალურობისა და ეთიკური სტანდარტების დაცვით. ინტერესთა კონფლიქტის შემთხვევაში, ჟიურის წევრები ვალდებულნი არიან აღიარონ და თავი შეიკავონ დაკავშირებული ნომინანტების შეფასებისგან.